O vindeiro 5 de febreiro, ás 12,30 horas, na sede da Fundación Penzol,
terá lugar o acto de sinatura de dous fondos documentais relacionados coa actividade oratoria de Xesús Alonso Montero entre os anos 2004 e 2024.
O primeiro dos fondos, “Sesenta e sete alocucións: discursos,
conferencias, charlas, improvisacións… (2014-2018)”, unha doazón
conxunta de Xesús Alonso Montero e Carmen Blanco Ramos, consta de 1.052
folios, organizados en catro tomos, que recollen as transcricións da
propia Carmen Blanco das gravacións das intervencións públicas que,
maiormente, ela mesma realizou durante ese período.
Catorce dos discursos recollidos na relación de entrega foron publicados
recentemente no libro «Palabras para o noso tempo» (Alvarellos, 2024), en edición de Olivia Rodríguez, que tamén publica un estudo dos discursos recollidos no volume, que ademáis conta con textos preliminares de Alonso Montero e Carmen Blanco.
O fondo “Trinta e unha conferencias (2004-2024)”, doado por Xesús Alonso
Montero, cos programas das palestras, componse de guións detallados,
moitos deles con breves texto para o seu desenvolvemento.
No acto de sobre a doazón intervirán Carmen Blanco Ramos e Xesús Alonso
Montero, que estarán acompañados por Manuel Puga Pereira, presidente, e Malores Villanueva, secretaria da Fundación Penzol.