Xunto á Fundación Carlos Casares e a actriz Mariana Carballal
O próximo xoves 22 de maio ás 20:00 h celebramos en MUTA a sexta e última sesión do curso de MUTACIÓNS, titulada “Os escuros versos de Clío”, e encantaranos contar contigo.
Pecha o curso unha das voces máis singulares da poesía galega contemporánea: Silvia Penas, poeta e performer, presentará unha intervención escénica inspirada na obra de Carlos Casares.
Silvia Penas (Vigo, 1980) atesoura unha obra intensa, recoñecida con numerosos premios, e tamén presente no espazo público: un fragmento do seu poema A elas está gravado en bronce na rúa do Príncipe de Vigo, xunto co de María Xosé Queizán.
En Mutacións #6 non veremos unha promesa, senón unha artista consolidada cunha voz radicalmente presente.
Ao remate, como sempre, compartiremos viño e petiscos nun ambiente distendido, para conversar e seguir gozando da cultura con calma.
Mutacións é unha iniciativa da Fundación Carlos Casares, da actriz Mariana Carballal e do espazo MUTA.
MUTACIÓNS #6 – Os escuros versos de Clío
Xoves 22 de maio · 20:00 h
Espazo MUTA (Rúa Joaquín Loriga, 9, Vigo)
Entrada: 15 €
Reservas: muta@muta.gal